UNTV News and Rescue

Hinihikayat ng Pakistan ang Estados Unidos at Iran na bumalik sa negosasyon at itigil ang palitan ng mga pag-atake na lalo lamang nagpapalala sa tensyon sa Gitnang Silangan.

Ayon sa Pakistan, na tumatayong isa sa mga pangunahing mediator sa pagitan ng dalawang bansa, nananatiling ang dayalogo ang tanging daan tungo sa pangmatagalang kapayapaan.

Mariing kinondena ng Department of National Defense (DND) ang isang post ng China Daily na umano'y naglalarawan sa mga Pilipino bilang mga unggoy.

Ayon sa ahensiya, ipinapakita nito ang tunay na pagtingin ng Chinese Communist Party sa sambayanang Pilipino.

Hindi pa nagsusumite sina Sen. Robin Padilla at dismissed Senate Sergeant-at-Arms Retired Maj. Gen. Mao Aplasca ng kanilang counter-affidavit para sa reklamong obstruction of justice laban sa kanila.

Kaugnay ito sa pagtakas ni Sen. Bato dela Rosa sa Senado upang hindi masilbihan ng warrant of arrest mula sa International Criminal Court.

Naniniwala si National Bureau of Investigation Director Melvin Matibag na wala siyang dapat ikatakot sa posibilidad na siya ay ma-contempt ng Senate impeachment court kasabay ng kaniyang nakatakdang pagsalang bilang testigo ng prosekusyon sa susunod na linggo.

Hinamon ni Sen. Alan Peter Cayetano ang National Bureau of Investigation, Department of Justice, at ang Malacañang na ituloy ang imbestigasyon sa isyu ng umano'y anomalya sa bidding at pondong ginamit sa 2019 SEA Games.

Samantala, ang minority bloc ng Senado naman ay ipagpapatuloy ang pagsisiyasat sa kontrobersyal na flood control projects.