%201.svg){kind=logo}
Emergency Hotline:
(+63) 2 911 – 8688
Sunod-sunod ang pag-atake ng Russia sa Ukraine matapos pansamantalang bawiin ng US ang sanction sa Russian oil, ayon kay Ukrainian President Volodymyr Zelenskyy.
Kabilang sa tinamaan ng Russian drone ang makasaysayang lungsod ng Lviv sa Central Ukraine.
Kinondena ito ng ilang opisyal at nanawagan ng agarang aksyon mula sa UNESCO dahil sa pinsala sa mga protected landmark.
Nagpahayag si Pangulong Ferdinand Marcos Jr. ng mga hakbang ng pamahalaan upang mabawasan ang epekto ng patuloy na pagtaas ng presyo ng produktong petrolyo, kasabay ng pagtitiyak na mananatiling sapat ang suplay ng langis sa bansa.
Nakatakda na ring lagdaan ng Pangulo ang panukala na magbibigay sa kanya ng kapangyarihang bawasan o suspendihin ang fuel excise tax upang maibsan ang pasanin ng mga consumer.
Bilyon-bilyong piso ang posibleng mawala sa kita ng gobyerno kada taon kung sususpendihin ang koleksyon ng oil excise tax, ayon sa Bureau of Internal Revenue (BIR).
Nilinaw ng BIR na hindi agad mararamdaman ng mga consumer ang epekto ng suspensyon ng naturang buwis.
Inilabas na ng Land Transportation Franchising and Regulatory Board (LTFRB) ang listahan ng delivery riders na tatanggap ng cash relief assistance sa March 26, 27, at 30.
Naka-post sa official Facebook page ng LTFRB ang kumpletong listahan ng mga benepisyaryo.
Posibleng hindi na bumiyahe ang ilang jeepney driver sa Maynila kapag umabot sa P200 kada litro ang diesel, dahil sa kasalukuyan ay lugi na umano sila.
Ayon sa mga driver, hindi sapat ang P5,000 ayuda mula sa Department of Social Welfare and Development sa gitna ng patuloy na pagtaas ng presyo ng produktong petrolyo.
