UNTV News and Rescue

Inaresto ng Abu Dhabi Police ang nasa 375 indibidwal dahil sa pagbi-video sa mga sensitibong lokasyon at pagpapalaganap ng maling impormasyon kaugnay ng tensyon sa Middle East.

Ayon sa mga awtoridad, patuloy na binabalewala ng mga ito ang mga opisyal na babala sa kabila ng paulit-ulit na paalala.

Dismayadong umuwi ang ilang tricycle drivers sa Bulacan matapos mabigong makatanggap ng cash relief assistance mula sa Department of Social Welfare and Development.

Gayunman, tiniyak ng DSWD Central Luzon na magsasagawa ng special payout para sa mga hindi nakakuha ng ayuda dahil sa naging problema sa distribusyon.

Wala pang opisyal na kumpirmasyon ang Civil Aviation Authority of the Philippines (CAAP) kaugnay sa umano’y pagbagsak ng isang light aircraft malapit sa Dinagat Islands.

Gayunman, ayon sa provincial government, natagpuan na ang mga debris ng eroplano habang nagpapatuloy ang search and rescue operations sa Barangay Navarro, Tubajon.

Mariing tinututulan ng ilang mambabatas, legal at security experts, at civil society leaders ang posibleng joint oil and gas exploration ng Pilipinas at China.

Ayon sa kanila, hindi dapat isakripisyo ang soberanya ng bansa kapalit ng enerhiya.

Hindi lamang PNP ang nagpapatupad ng mahigpit na implementasyon ng city ordinances sa Metro Manila.

Ayon kay National Capital Region Police Office spokesperson Police Major Hazel Asilo, katuwang ng pulisya ang barangay officials sa panghuhuli sa mga lumalabag.