UNTV News and Rescue

Patuloy na kinikilala ni Cuban President Miguel Diaz-Canel ang naging pamumuno ni dating Cuban leader Raul Castro sa kabila ng kinahaharap nitong kaso sa Amerika.

Kaugnay ito ng pormal na pagsasampa ng kaso laban kay Castro dahil sa isang insidente na sangkot ang US citizens mahigit 30 taon na ang nakalilipas.

‍

Iginiit ni Iranian President Masoud Pezeshkian na hindi mapapasuko ang Iran sa pamamagitan ng dahas sa gitna ng umiinit na tensyon sa Middle East.

Samantala, sinabi ni U.S. President Donald Trump na kailangan nang magbigay ng sagot ang Iran upang matigil na ang bakbakan, kasabay ng kanyang kumpiyansa na bababa rin ang presyo ng langis kapag natapos ang sigalot.

‍

Posibleng manatili o mapatalsik sa puwesto ang bise presidente sa oras na umusad ang paglilitis sa Senado.

Ayon sa Commission on Elections, maaaring ma-nominate ang isang senador o kongresista bilang kapalit kung tuluyang mababakante ang posisyon ni Vice President Sara Duterte.

‍

Pwede nang magsagawa ng operasyon ang Philippine National Police at National Bureau of Investigation para arestuhin si Sen. Ronald “Bato” dela Rosa matapos maglabas ng direktiba ang Department of Justice.

Ayon kay Justice Secretary Vida, itinuturing na ring “fugitive from justice” ang senador kaugnay ng kinahaharap nitong kaso.

‍

Kinuwestyon sa Senado ang naging seguridad sa loob mismo ng gusali matapos ang nangyaring putukan na ikinasangkot ng isang ground commander.

Ayon kay Sen. Erwin Tulfo, may pananagutan si acting Senate Sergeant-at-Arms Mao Aplasca kaugnay ng insidente.

‍