UNTV News and Rescue

Inihayag ni Pangulong Ferdinand Marcos Jr. na nahaharap ngayon sa malaking hamon ang turismo ng bansa.  

Sa talumpati ng Pangulo kahapon sa inauguration ng Mactan Expo sa Lapu‑Lapu City, Cebu, binanggit niya na sa pamamagitan ng naturang proyekto ay inaasahang mapalalakas ang turismo sa bansa na ngayon ay nahaharap aniya sa matinding pressure.

Ipinadala na sa House Justice Committee ang tugon ng kampo ni Vice President Sara Duterte sa dalawang impeachment complaints laban sa kaniya.

Kabilang sa hiling ng defense team ng Pangalawang Pangulo na i‑dismiss ang mga reklamong impeachment.

Lumabas sa pinakabagong Pulse Asia survey na nakakuha si Pangulong Ferdinand Marcos Jr. ng 36% na approval ratings sa kaniyang performance sa nakalipas na tatlong buwan.  

Samantala, nakakuha naman ng 54% na trust ratings si Vice President Sara Duterte sa unang quarter ng 2026.

Sinabi ng ilang opisyal ng Estados Unidos na posibleng matapos sa loob ng ilang linggo ang digmaan sa pagitan ng US‑Israel at Iran sa kabila ng pahayag ng Tehran na handa itong lumaban hangga’t kinakailangan.  

Ayon kay US Energy Secretary Chris Wright, inaasahang bababa rin ang presyo ng langis kapag natapos ang sigalot at muling bumalik sa normal ang suplay ng enerhiya.

Nagpulong kahapon, March 16, ang mga opisyal ng European Union sa Brussels upang talakayin ang posibleng pagpapalawak ng naval mission na tinatawag na Operation Aspides tungo sa Strait of Hormuz.  

Ginawa ito ng EU matapos tumaas ang tensyon sa Gitnang Silangan at sumipa ang presyo ng krudo dahil sa digmaan laban sa Iran.