UNTV News and Rescue

Pormal na nagkasundo ang BMPI-UNTV at National Center for Mental Health sa isang public service initiative na naglalayong palawakin ang kamalayan ng publiko tungkol sa mental health.  

Sa pamamagitan ng partnership, mas mailalapit sa mga komunidad ang tamang impormasyon, edukasyon at suporta upang maisulong ang mas malusog na pag-iisip at mas mataas na mental health awareness sa bansa.

‍

Ikinadismaya ni Department of Public Works and Highways Secretary Vince Dizon ang sitwasyong kanyang nadatnan sa isang road slip area sa Kalinga, kabilang ang paggamit ng sandbags bilang pansamantalang solusyon sa lugar.  

Kasabay nito, pinamamadali ng kalihim ang pagkumpleto ng mga kalsada, tulay at paaralan upang matiyak na handa ang mga ito bago ang pagbubukas ng klase.

‍

Nalalagay sa alanganin ang ceasefire sa pagitan ng United States at Iran dahil sa agresibong pag-atake ng Israel sa Lebanon.  

Isa ang sitwasyon sa Lebanon sa mga mahalagang usaping nakahahadlang sa pagbuo ng isang peace deal sa pagitan ng United States at Iran.

‍

Nakatakdang magpulong ang mga kinatawan ng Lebanon, Israel at Hezbollah upang talakayin ang mga susunod na hakbang at iba pang probisyon ng ipinatutupad na tigil-putukan.  

Kasunod ito ng pahayag ni US President Donald Trump na kapwa pumayag ang Israel at Hezbollah sa isang ceasefire agreement na layong mabawasan ang tensyon at maiwasan ang panibagong paglala ng labanan sa rehiyon.

‍

Nababahala ang Malacañang na maaaring maapektuhan ang pagpasa ng mga prayoridad na panukalang batas ng administrasyon dahil sa nagpapatuloy na tensyon sa Senado, lalo na sa usapin ng hindi pagdalo ng majority bloc sa sesyon sa plenaryo.  

Kasabay nito, nilinaw ng Palasyo na hindi kailanman nakikialam si Pangulong Ferdinand Marcos Jr. sa mga usapin at proseso ng Senado.

‍