UNTV News and Rescue

- Pagdinig sa flood control scandal, itinuloy ng ‘Cayetano’ bloc sa Senado; Acting SP Sherwin Gatchalian, nanindigang walang hearing sa mataas na Kapulungan

-Hiling na makapag piyansa sa plunder case at mailipat ng kulungan, binawi ng kampo ni Sen. Jinggoy

-Mag-asawang Curlee at Sarah Discaya, sinampahan ng kaso sa Malolos Regional Trial Court

Isasailalim sa administrative review ang pulis na nagbitaw ng mga hindi angkop na salita sa NAPOLCOM press briefing.

Ayon sa PNP, hindi palalagpasin ng pambansang pulisya ang ginawa ng naturang pulis.

Sinampahan ng Ombudsman ng kasong malversation sa Malolos Regional Trial Court ang mag asawang Curlee at Zarah Discaya at ilang mga opisyal ng DPWH Bulacan 1st District Engineering Office.

Kaugnay pa rin ito ng anomalya sa flood control project sa Calumpit Bulacan.

Sinampahan ng ethics complaint sa Senado sina Senator Alan Peter Cayetano at iba pang senador dahil sa tatlong araw na hindi pagpapakita sa sesyon.

Ang nag-file ng reklamo ay isang college student na humihiling na mapanagot ang mga Senador na absent na nakalipas na tatlong araw.

Iginagalang ng Lead House Prosecutor ang bagong liderato ng Senado.

Ayon kay Batangas 2nd District Rep. Gerville Luistro, kinikilala nila si Acting Senate President Sherwin Gatchalian bilang siyang lehitimong namumuno sa Senado.