UNTV News and Rescue

Hanggang ngayon ay nahihirapan pa ring makahanap ng legal na representasyon ang mga pamilya ng mga biktima ng gumuhong gusali sa Angeles City, Pampanga.

Dahil dito, tumulong ang UNTV News and Rescue upang maiugnay ang mga ito sa Public Attorney's Office para sa kinakailangang legal assistance.

‍

Ganti lamang ng Iran sa Amerika ang pag-atake sa Kuwait International Airport.

Ito ang pahayag ni US President Donald Trump kasunod ng insidente. Aniya, bahagi pa rin ng umiiral na ceasefire ang palitan ng pag-atake ng Amerika at Iran.

‍

Tinatangka umanong bahiran ang kredibilidad ng mga miyembro ng House prosecution panel bago ang pagsisimula ng impeachment trial ni Vice President Sara Duterte.

Kasunod ito ng pagdawit ng 18 ex-Philippine Marines sa ilang House prosecutors sa alegasyon ng pagtanggap umano ng pera mula sa mga maanomalyang flood control projects.

‍

Isinisi ng Malacañang  sa umiiral na sigalot sa politika sa bansa ang pagkabigo ng Pilipinas na makuha ang non-permanent seat sa United Nations Security Council.

Nanawagan din ang Palasyo sa mga senador na ayusin ang kanilang hidwaan, na anila'y nakaaapekto na sa reputasyon ng bansa sa international community.

‍

Pinag-aaralan na ng kampo ni Sen. Sherwin Gatchalian ang pagsasagawa ng special session upang matalakay ang mga nakabinbing panukala at iba pang usapin sa Senado.

Kasunod ito ng pagbabago sa liderato ng Senado matapos ang pag-takeover ng kanilang grupo nitong Miyerkules.

‍