UNTV News and Rescue

Sisimulan na ng Department of Public Works and Highways o DPWH ngayong araw ang rehabilitasyon ng EDSA.

Ayon sa ahensya, nais nilang samantalahin ang holiday break para mabawasan ang epekto sa trapiko ng gagawing pagkukumpuni at hindi maabala ang mas maraming motorista.

Matumal pa rin ang bentahan ng mga paputok sa Bocaue, Bulacan.

Nangangamba tuloy ang mga dealer na malulugi sila ngayong taon dahil marami ang namamahalan sa presyo ng mga paputok.

Dalawa hanggang walong bagyo ang maaaring pumasok sa loob ng Philippine Area of Responsibility sa unang bahagi ng taong 2026.

Ayon sa PAGASA, posibleng magkaroon ng tig-iisang bagyo mula Enero hanggang Abril.

Mahigit dalawang libong tauhan ng Manila Police District ang naka-deploy ngayon sa iba't ibang lugar sa lungsod ng Maynila.

Ito ay para magpatupad ng seguridad ngayong holiday season, lalo na sa matataong mga lugar.

Muling nagpaalala ang Department of Transportation sa mga pasahero kaugnay sa pagbabago sa operating hours ng MRT-3 at LRT-2 ngayong holiday season.