UNTV News and Rescue

Nanindigan si U.S. President Donald Trump na hindi niya babawiin ang layuning makuha ang Greenland.

Giit pa niya, naniniwala siyang hindi kayang ipagtanggol ng Denmark ang Greenland laban sa banta ng China at Russia.

Nagsimula na ang trabaho ng mga evacuee na naapektuhan ng pag-aalboroto ng Bulkang Mayon sa loob ng 6-km permanent danger zone.

Bahagi ito ng programa ng DSWD para sa displaced families, kabilang ang 21 pamilyang nasa labas ng 6-km danger zone na naapektuhan ang kabuhayan dahil sa patuloy na aktibidad ng bulkan.

Nilinaw ng Armed Forces of the Philippines (AFP) na hindi otomatikong nangangahulugan ng korapsyon ang mga natuklasan ng Commission on Audit (COA) kaugnay ng mahigit ₱200-M na hindi pa nali-liquidate na cash advances at humigit-kumulang ₱70-M hindi awtorisadong bank accounts ng ilang unit nito.

Kinumpirma ni Senator Ronald “Bato” Dela Rosa na nasa maayos siyang kalagayan matapos ang 3 buwang hindi niya pagpapakita sa Senado.

Ito ay sa gitna ng ulat na may arrest warrant laban sa kaniya ang International Criminal Court (ICC) dahil sa kasong crimes against humanity.

Magpapatuloy ang trabaho ng Cybercrime Investigation and Coordinating Center (CICC), isa sa mga Technical Working Group ng Independent Commission for Infrastructure, upang habulin ang mga sangkot sa flood control anomaly.

Samantala, inihayag ng CICC na patuloy na gumagastos ang pamahalaan hangga’t hindi naibabalik sa Pilipinas ang frozen air assets ni dating Ako Bicol Party-List Rep. Zaldy Co.