UNTV News and Rescue

Nasagip ng Philippine National Police – Anti-Kidnapping Group ang isang negosyanteng Filipino-Chinese na dinukot at hiningan ng P50-M ransom.

Sa operasyon sa Quezon City, tatlong suspek ang naaresto habang isa pa ang patuloy na tinutugis ng mga awtoridad.

‍

Sinaksihan ni Pangulong Ferdinand Marcos Jr. ang panunumpa sa tungkulin ng nasa 2,000 bagong promote na mga guro sa Pampanga at Bulacan.

Ang seremonya ay bahagi ng malawakang implementasyon ng Career Progression for Public School Teachers and School Leaders Act.

‍

Pag-aaralan ni Senate Presidente Tito Sotto ang protesta ng lokal na pamahalaan ng Kalayaan Island Group.

Partikular ito sa isyu kaugnay ng mungkahing isuko ang mga isla ng Kalayaan sa gitna ng pinag-aagawang teritoryo sa West Philippine Sea.

‍

Mas palalakasin pa ng Philippine Coast Guard ang kakayahan nito sa pagbabantay sa karagatan, gayundin ang search and rescue operations, matapos na pormal na lagdaan ang kasunduan para sa acquisition ng tatlong bagong eroplano mula sa Estados Unidos.

Mariing itinanggi ng Malacañang ang pahayag ni dating Pangulong Rodrigo Duterte na siya umano’y kinidnap ng pamahalaan ng Pilipinas at sapilitang dinala sa International Criminal Court sa The Hague, Netherlands.