Asher Cadapan Jr.

Bukod sa Department of Public Works and Highways, hiniling din ng Senate Blue Ribbon Committee sa Department of Justice na maglabas ng immigration lookout bulletin order para sa ilang isinasangkot sa anomalya sa flood control projects.

Kasunod ito ng nakuhang impormasyon ng komite na ilan umanong contractor ay lumabas na ng bansa.

‍

Dummy lamang umano ng ibang tao ang tatlo hanggang apat na kontratista mula sa top 15 contractors ng flood control projects.

Ito ang ibinunyag ni Senador Vicente Sotto III sa gitna ng isyu ng mga umano’y anomalya sa mga naturang proyekto.

Ibinunyag ni presidential sister Senator Imee Marcos na pinagpaplanuhan umanong ipakulong si Vice President Sara Duterte bago ang 2028 elections.

Ito ay matapos hindi naging matagumpay ang mga unang planong isulong ang people's initiative, charter change, at impeachment.

‍

Pinuna sa pagdinig ng Senado ang Department of Budget and Management kaugnay ng proposed 2026 national budget.

Partikular ito sa proseso ng pagtanggap ng DBM sa panukalang pondo mula sa DPWH.

Tinukoy din ng Senate Committee on Finance ang 6 na uri ng ‘red flags’ sa panukalang budget ng pamahalaan.

‍

Natuklasan ni Senador Panfilo Lacson na contractors din umano ng flood control projects ang ilang direktor ng Philippine Contractors Accreditation Board o PCAB.

Ini-uurong na rin ni Lacson ang kanyang mosyon na i-adopt ang National Expenditure Program o NEP dahil sa umano'y anomalya sa panukala.