Natapos na ng Department of Public Works and Highways ang pagpapalawak ng drainage system sa bahagi ng Gregorio Araneta Avenue sa Quezon City, isang proyektong inaasahang magpapababa ng pagbaha sa lugar lalo na tuwing malakas ang ulan.

Personal na ininspeksyon ni Secretary Vince Dizon kaninang umaga ang naturang flood mitigation project, bilang bahagi ng patuloy na pagsisikap ng ahensya na palakasin ang flood control measures sa mga pangunahing kalsada sa Metro Manila.