Iniharap bilang testigo ng House prosecution team sa impeachment trial ni Vice President Sara Duterte si Anti-Money Laundering Council Executive Director Atty. Ronel Buenaventura.

Gayunman, tinangka ng defense team ni VP Duterte na pigilan ang testimonya nito kaugnay ng nasa bilyong pisong halaga ng covered at suspicious transactions sa mga bank account na iniuugnay sa Bise Presidente at asawa nitong si Atty. Manases Carpio.