Grounded na at hindi maaaring bumiyahe ang lahat ng barko ng Aleson Shipping Line kasunod ng paglubog ng M/V Trisha Kerstin sa Basilan.

Nabisto rin ng Department of Transportation na hindi isa kundi mahigit 30 insidente sa karagatan sa nakalipas na ilang taon ang kinasangkutan nito.

Pinagpapaliwanag na rin ng DOTr ang Maritime Industry Authority o MARINA kung paano nabibigyan ng safety compliance ang kumpanya.