UNTV News and Rescue

Bukas sa panukalang imbestigasyon ng Independent Commision for Infrastructure o ICI sa flood control projects si Davao City 1st District Representative Paolo "Pulong" Duterte.

Sa opisyal na pahayag, sinabi ni Rep. Duterte na wala siyang itinatago at kinatatakutan kaya welcome sa kaniya ang posibleng imbestigasyon ng ICI.

‍

Nagsumite ng mga ebidensya ang Independent Commission for Infrastructure o ICI sa Ombudsman para imbestigahan ang ilang mga incumbent at dating senador na nadadawit rin sa anomalya sa flood control projects scandal.

Kasama rito sina Sen. Chiz Escudero, Sen. Mark Villar, dating senador at ngayo’y Makati Mayor Nancy Binay, at maging si former Senator Grace Poe.

‍

Tiwala si DILG Sec. Jonvic Remulla na mahuhuli din si Zaldy Co, isa sa mga akusado sa maanomalyang flood control projects.

Samantala, handa din daw ang kalihim na isilbi ang warrant of arrest laban kay Sen. Ronald ‘Bato’ dela Rosa.

‍

Inaasahan ngayong araw ang pagpapasa sa second reading ng Senado sa proposed 2026 national budget o 2026 General Appropriations Bill.

Ito ay sa gitna ng patuloy na pag-amyenda ng mga senador upang masigurong transparent ang panukalang pondo.

‍

Binigyang-diin ni Pangulong Ferdinand Marcos Jr.  na maaaring bumalik at lumakas ang tiwala ng publiko sa mga namamahala sa gobyerno kung may naipapakitang malinaw na proseso ang pamahalaan at paninindigan nito ang kaniyang pananagutan.

Ayon kay PBBM, dapat gayahin ng nasa pamahalaan ang ipinapakita ng ilang barangay na nagpatupad ng mga hakbang na nagbunga ng magandang resulta sa komunidad.

‍