UNTV News and Rescue

Nagpakita na sa Philippine National Police-Criminal Investigation and Detection Group ang nagbitiw na Ateneo Blue Eagles head coach na si Tab Baldwin kasama ang dalawa pang miyembro ng coaching staff.

Ito ay kasunod ng ikalawang subpoena na ipinadala ng CIDG kaugnay ng hindi nila pagdalo sa naunang mga imbitasyon ng pulisya.

‍

Inihayag ni Pangulong Ferdinand Marcos Jr. na wala pang konkretong kasunduan ang Pilipinas at Russia hinggil sa pag-aangkat ng langis.

Gayunman, sinabi ng Pangulo na bukas ang Russia na dagdagan ang suplay ng langis nito sa Pilipinas.

‍

Ipinaubaya na ni Senate President Sherwin Gatchalian sa Department of Justice ang imbestigasyon sa shooting incident na naganap sa Senado noong May 13.

Umiwas na rin ang senador na magbigay ng karagdagang komento kaugnay ng pahayag ng DOJ na hindi umano under attack ang Senado sa naturang insidente.

‍

-Dating SP Alan Peter Cayetano, sumalag sa umano’y ‘intriga’ ni Sen. Lacson; Sen. Lacson, may panibagong banat kay Sen. Cayetano

-Pre-trial brief na isinumite ng kampo ni VP Sara, tunog-lata, ayon kay Rep. Renee Co; Depensa, sumalag sa pahayag ng House prosecutors

-China, nagpahayag ng suporta sa US-Iran peace deal

Umaasa si Senator Bong Go na hindi mapupulitika ang umano’y International Criminal Court arrest warant laban sa kaniya.

Si Sen. Go ay isa sa sinasabing co-perpetrator ni dating Pangulong Rodrigo Duterte sa madugong war on drugs.