UNTV News and Rescue

Nagpulong nitong Linggo sa Kyiv sina Ukrainian President Volodymyr Zelensky at Dutch Prime Minister Rob Jetten upang magtulong sa produksyon ng mga bagong armas.  

Layunin nitong makagawa ng armas na susugpo sa mga Iranian-made drones ng Russia.

Naglabas ng mga larawan ang pulisya sa Norway ng isang suspek na pinaniniwalaang may kaugnayan sa pagsabog sa labas ng Embassy of the United States in Oslo noong Linggo.  

Batay sa mga surveillance images, ang suspek ay nakasuot ng itim na damit, may takip ang mukha, at may dalang backpack.

Pinangalanan na ng Iran ang bagong Supreme Leader nito matapos mapaslang sa mga pag-atake ng Estados Unidos at Israel ang dating pinuno na si Ayatollah Ali Khamenei.  

Itinalaga ng Assembly of Experts ang anak nitong si Mojtaba Khamenei bilang bagong pinuno ng Islamic Republic sa gitna ng lumalalang digmaan sa Middle East.

Naka-alerto na ang Philippine National Police sa posibleng mga kilos-protesta na idaraos sa darating na March 11, bilang paggunità sa unang anibersaryo ng pagkaka-aresto kay dating Pangulong Rodrigo Duterte.

May iniaalok na P200,000 pabuya ang Department of Public Works and Highways at si dating Congressman Paul Daza sa sinomang may impormasyon o makapagtuturo para maaresto ang suspek na pumaslang kay DPWH Engineer Karen Corsino del Valle sa Northern Samar.