UNTV News and Rescue

Magpapatuloy ang imbestigasyon sa umano’y bilyon-bilyong pisong korapsyon sa mga flood control projects kahit ihihinto na ang operasyon ng Independent Commission for Infrastructure o ICI.

Ito ang pagtitiyak ng Malacañang sa gitna ng mga batikos ng ilang grupo na maaaring hindi mapanagot ang mga sangkot sa katiwalian.

Matagumpay na naidaos ang special election sa ikalawang distrito ng Antipolo City sa Rizal noong sabado, March 14.

Ipinroklama bilang nanalong kongresista ang anak ng namayapang kongresista na si Representative Romeo Acop.

Hihintayin hanggang ngayong araw ng kamara ang tugon ni Vice President Sara Duterte sa dalawang reklamong impeachment laban sa kaniya.

Kung hindi ito magsusumite ng response, iikli ang impeachment proceedings ayon kay Bicol Saro Party-list Rep. Terry Ridon.

Simula bukas, March 17, ang pamamahagi ng limang libong pisong ayuda para sa mga tricycle driver.  

Ang initial rollout ay gagawin sa tatlumpung payout centers sa Metro Manila.

Siyam na mga Overseas Filipino workers pa ang nakalabas ng Israel papuntang Taba border crossing ayon sa Department of Migrant Workers.

Hanggang ngayon ay nananatili ang banta ng pag-atake ng Iran sa bansang Israel.