UNTV News and Rescue

Patuloy ang masusing paghahanap ng Philippine Coast Guard sa 4 na Pilipinong tripulante ng M/V Devon Bay na nawawala matapos tumagilid ang barko sa karagatang sakop ng Bajo de Masinloc.

Kasama rin sa pinaigting na search and rescue operation ang paghahanap sa 15 sakay ng recreational boat na MBCA Amejara sa Davao Gulf.

‍

Ilang linya ng North Luzon Expressway ang pansamantalang isinara upang bigyang-daan ang konstruksyon ng Sto. Tomas Interchange Project ng Department of Public Works and Highways sa Pampanga.

‍

Pangunahing alalahanin ng mga Pilipino sa pagsalubong sa taong 2026 ang sweldo ng mga manggagawa.

Batay ito sa inilabas na resulta ng pinakahuling Tugon ng Masa survey ng OCTA Research Institute, kung saan 47% ng mga respondent sa Luzon at Visayas ang nais iprayoridad ng pamahalaan ang pagtaas ng sahod.

‍

Nagpahayag ng kagustuhan si dating Ako Bicol Party-List Rep. Zaldy Co na magpatotoo laban kay Pangulong Ferdinand Marcos Jr. sakaling umusad ang impeachment case laban dito.

‍

Hindi haharangin ng Kamara at bagkus ay didinggin ang anumang impeachment complaints na ihahain laban kay Pangulong Ferdinand Marcos Jr.

Ayon ito mismo kay House Majority Leader at Ilocos Norte 1st District Rep. Sandro Marcos, anak ng Pangulo.

‍