UNTV News and Rescue

Isang malaking pyroclastic density current o uson ang nabuo kahapon 10:35 ng umaga sa Mayon Volcano.

Umabot ito sa humigit-kumulang apat na kilometrong layo pababa ng Mi-isi Gully at nagdulot ng mahigit dalawang kilometrong taas na kulay kayumangging ash plume.

May sarili nang tagapagsalita sa usapin ng West Philippine Sea ang Department of Foreign Affairs.

Kahapon, ipinakilala ng DFA si Deputy Assistant Sec. Rogelio Villanueva Jr. bilang Spokesperson for Maritime Affairs.

Dumulog sa Korte Suprema ang isang grupo ng mga Moro upang kwestyunin ang appointment ng chief minister at mga kasapi ng Bangsamoro Transition Authority (BTA).

Labag anila sa pinirmahang kasunduan ng Moro Islamic Liberation Front (MILF) at ng pamahalalan ng Pilipinas.

Matapos ang Senate Blue Ribbon hearings sa flood control scandal, nakatuon na ang mga senador sa draft report na maglalaman ng rekomendasyon at posibleng kaso.

Ayon kay Sen. Erwin Tulfo, mahalagang matibay ang ebidensya para hindi ma-dismiss ang mga kaso.

Pinagbibitiw ng kampo ni dating Sen. Ramon ‘Bong’ Revilla Jr. si Justice Karl Miranda sa paghawak ng kasong malversation ng dating senador.

Isang urgent motion for inhibition ang isinumite nito sa Sandiganbayan Third Division kahapon, na isa sa sanhi ng pagpapaliban ng arraignment ni Revilla sa susunod na linggo, February 16.