%201.svg){kind=logo}
Emergency Hotline:
(+63) 2 911 – 8688
Tumaas pa ang bilang ng byahero ngayong long holiday kaysa sa projection ng Department of Transportation.
Samantala, tatlong bus driver sa Parañaque Integrated Terminal Exchange o PITX ang binawian ng lisensya matapos magpositibo sa drug testing.
Mariing pinabulaanan ng Malacañang na kinalimutan na ng administrasyon ang imbestigasyon sa flood control projects anomaly.
Ayon kay Usec. Claire Castro, patuloy ang pagpapanagot ni Pang. Ferdinand Marcos Jr. sa sinomang sangkot sa anomalya.
Ibinaba ng Australian government ang fuel tax sa bansa bilang tulong sa mga motorista.
Sa anunsyo ni Australian Prime Minister Anthony Albanese, sinabi nito na ang pagbabawas sa buwis ay napagkasunduan ng mga local leaders sa lahat ng estado at teritoryo ng Australia.
Kinondena ng mga bansa ang pagkakapasa ng panukalang death penalty by hanging sa Israeli parliament.
Sa kanilang joint statement, ipinahayag ng mga bansang France, Germany, Italy, United Kingdom at Australia ang kanilang pagtutol sa naturang panukala na nakatuon lamang sa mga Palestinian sa West Bank.
Nanindigan ang Department of Justice na may mga ginagawa pa ring imbestigasyon ang ahensya laban sa mga sangkot sa anomalya sa flood control.
Taliwas ito sa mga kumakalat na balita na nalilimutan na umano ng pamahalaan ang isyu sa flood control at hanggang sa ngayon ay wala pa ring napapanagot sa malaking indibidwal na sangkot dito.
