UNTV News and Rescue

Posibleng tapusin ng Estados Unidos ang military operations laban sa Iran sa loob ng susunod na dalawa hanggang tatlong linggo, ayon kay U.S. President Donald Trump.

Ayon sa Pangulo, nakamit na ang pangunahing layunin ng operasyon, kabilang ang pagpapahina sa kakayahan ng Iran na makabuo ng nuclear weapons.

Magsisimula sa darating na Lunes ang unang bahagi ng taunang Salaknib Exercise, isang army-to-army training ng Pilipinas at mga kaalyadong bansa.

Sa kauna-unahang pagkakataon, lalahok sa naturang military exercise ang Japan at New Zealand.

Iginiit ng Department of Justice na kailangang ipagpatuloy ni Mary Jane Veloso ang pagsisilbi ng kanyang sentensiya sa Pilipinas alinsunod sa kasunduan ng Indonesia at Pilipinas.

Ayon sa DOJ, maaari pa ring mapabilang si Veloso sa executive clemency kung ito ay igagawad ng Pangulo ng isang bansa.

Nanawagan ang ilang grupo na itaas ang sahod sa gitna ng epekto ng krisis sa Middle East at pagtaas ng presyo ng langis.

Ayon sa Department of Labor and Employment (DOLE), pag-aaralan pa ang panukalang wage increase kasabay ng patuloy na pagtaas ng presyo ng mga pangunahing bilihin.

Hindi kailangang umutang ng gobyerno para pondohan ang ayuda sa ilalim ng panukalang babalangkasin ng Kamara upang tugunan ang epekto ng digmaan sa Middle East sa Pilipinas.

Ayon ito kay House Committee on Ways and Means chairperson at Marikina 2nd District Rep. Miro Quimbo.