UNTV News and Rescue

Naghahanda na ang Islamabad sa Pakistan para sa inaasahang ikalawang pagpupulong sa pagitan ng mga kinatawan ng Estados Unidos at Iran.

Layunin nitong maresolba ang mga natitirang isyu at posibleng pagbuo ng isang kasunduan sa mga susunod na araw na tuluyang tatapos sa digmaan sa Gitnang Silangan.

Bagamat may mga bagay nang napagkakasunduan ang Iran at Estados Unidos, inihayag ng Tehran na malayo pang mabuo ang isang final deal na tuluyang magwawakas ng digmaan sa Gitnang Silangan.

Ito ay sa kabila ng pagiging positibo ni Trump na malapit nang magkasundo ang dalawang panig.

Inakusahan ni US President Donald Trump ang Iran ng paglabag sa umiiral na tigil-putukan kasunod ng pagpapaputok ng Iranian revolutionary guards sa mga barko sa Strait of Hormuz.

Muli ring nagbabala si Trump ng matinding pag-atake sa Tehran kung hindi ito papayag sa pakikipagkasundo sa Estados Unidos.

Nagpaputok ang Iranian Revolutionary Guards mula sa 2 gunboats nito laban sa mga barko at tanker na dumaan sa Strait of Hormuz na lumabag sa naging kasunduan ng Iran at Estados Unidos.

Wala namang naiulat na nasaktan o nasawi sa mga tripulante na lulan ng mga barko.

Inaasikaso na ng Philippine Embassy sa Yangon ang repatriation ng 78 na mga Pilipino na pawang mga biktima ng human trafficking.

Sila ay pinalaya sa Myanmar matapos na maaresto dahil sa ilang paglabag sa immigration laws doon, kabilang na ang illegal entry at residency.