UNTV News and Rescue

Mas iinit pa ang temperatura sa mga susunod na linggo, ayon sa Philippine Atmospheric, Geophysical and Astronomical Services Administration (PAGASA).

Hindi rin inaalis ng ahensya ang posibilidad ng strong El Niño sa bansa.

Inaresto ng Philippine National Police Anti-Cybercrime Group ang isang indibidwal na nagpakilalang “hari” at “supremo” ng isang grupo kaugnay ng umano’y investment scam sa Laguna.

Ayon sa mga awtoridad, naniningil ang grupo ng malaking membership fee kapalit ng pangakong panghabambuhay na benepisyo.

Dumaraing ang sektor ng agrikultura sa epekto ng sunod-sunod na oil price hike sa kanilang kabuhayan.

Nanawagan ang Kilusang Magbubukid ng Pilipinas sa pamahalaan na maglatag ng konkretong solusyon, sa halip na umasa lamang sa subsidiya.

Mahigit kalahati ng mga pampasaherong jeep sa isang ruta sa Quezon City ang tumigil na sa operasyon.

Ayon sa ilang jeepney driver, napipilitan na lamang silang bumiyahe kahit halos wala nang kita, at posibleng tuluyan nang huminto kung muli pang tumaas ang presyo ng krudo.

Nagbabala si PISTON National President Modesto “Mody” Floranda na maaaring mawala sa lansangan ang mga pampublikong sasakyan kung magpapatuloy ang pagtaas ng presyo ng produktong petrolyo.

Samantala, may ilang pasahero naman ang pabor sa pagtaas ng pamasahe bilang tulong sa mga driver na apektado ng taas-presyo ng langis.