UNTV News and Rescue

Nasa panganib umano ang higit 24 tripulanteng Pinoy na naka-assign sa Russian vessels ayon kay Sen. Erwin Tulfo.  

Maaari aniyang masapanganib ang kanilang buhay dahil sa giyera sa pagitan ng Russia at Ukraine.

Ipinadala ng Philippine Navy ang BRP Miguel Malvar FFG-06 kasama ang mga crew nito sa India para lumahok sa maritime exercise.  

Ang BRP Miguel Malvar ang pinakamodernong warship ng Pilipinas.

Magsisilbing major hub ang Taguig City sa kauna-unahang underground railway system ng bansa na may lima sa 17 istasyon ng Metro Manila Subway.  

Bukod sa Kalayaan Avenue at Bonifacio Global City, kabilang din sa itatayong mga istasyon sa Taguig ang Lawton East, Senate–DepEd, at FTI o Arca South.

Nagbabala ang Department of Social Welfare and Development sa mga gumagamit ng pekeng dokumento para lang makakuha ng ayuda, kabilang na ang Assistance to Individuals in Crisis Situation o AICS.  

Ayon kay DSWD Spokesperson Asec. Irene Dumlao, may kaakibat na parusa sa ilalim ng Revised Penal Code ang mga gumagamit ng pekeng dokumento.

Hindi muna tatanggap ang Department of Public Works and Highways ng bagong project proposals hangga’t hindi natatapos ang mga nakabinbing proyekto ng ahensya sa buong bansa.  

Binigyang-diin ni Sec. Vince Dizon na ang hakbang na ito ay pagsunod sa direktiba ni Ferdinand Marcos Jr. na tapusin ang mga nabinbing proyekto sa itinakdang panahon.