UNTV News and Rescue

Isinumite na ng Office of the Ombudsman sa Office of the Solicitor General ang kanilang komento sa petisyong inihain ni Zaldy Co laban sa kanila.

Nakapaloob sa petisyon ang kahilingan na ipawalang-bisa ang mga kasong isinampa laban sa nagbitiw na mambabatas.

Naglabas ang Manila Regional Trial Court Branch 52 ng precautionary hold departure order laban kay Sen. Jinggoy Estrada at dating Department of Public Works and Highways Secretary Manuel Bonoan.

Bukod sa kanila, kabilang din sa kautusan sina dating DPWH Undersecretary Roberto Bernardo, dating DPWH Director Gerardo Opulencia, at dating DPWH District Engineer Henry Alcantara.

Sama-samang naglayag ang puwersa ng Pilipinas, Australia, at Estados Unidos sa West Philippine Sea para sa ika-14 na multilateral maritime cooperative activity.

Sa unang pagkakataon mula nang makomisyon, lumahok sa nasabing pagsasanay ang pinakabagong barko ng Philippine Navy na BRP Diego Silang, bilang bahagi ng pagpapalakas ng kakayahan at presensya ng bansa sa karagatan.

Aabot sa halos 5,000 sundalong Pilipino at mga kaalyado ang lalahok sa unang yugto ng taunang Salaknib military exercise ngayong Abril.

Kabilang sa mga kalahok ang army units mula sa Pilipinas, Estados Unidos, Australia, at Japan.

Layunin ng pagsasanay na palakasin ang koordinasyon at kahandaan ng mga tropa, lalo na sa pagtugon sa mga sakuna at posibleng banta sa seguridad.

Tiniyak ng ilang kongresista ang suporta para sa Kalayaan 16, o ang 16 na opisyal ng Kalayaan Municipality sa Palawan.

Pinagbawalan ng China ang 16 na opisyal ng lokal na pamahalaan na makapasok sa kanilang bansa kasunod ng pagdeklara ng mga ito sa Chinese ambassador to the Philippines bilang persona non grata dahil sa umano’y intimidation sa Philippine maritime officials.