UNTV News and Rescue

Posibleng imbitahan ng Senate Blue Ribbon Committee sa susunod na pagdinig si dating Congressman Zaldy Co, ayon kay Senate Blue Ribbon Committee Chairman Senator Panfilo Lacson.  

Gayunman, binigyang-diin ni Lacson na nakasalalay pa rin sa mga senador ang desisyon sa pagpapatuloy ng imbestigasyon.

‍

Inaasahang maibabalik sa bansa si dating Congressman Zaldy Co matapos maaresto sa Prague, Czech Republic upang harapin ang kanyang mga kaso sa ilalim ng hurisdiksyon ng mga korte sa Pilipinas.  

Ayon sa dating presidente ng Philippine Bar Association, mahalagang isiwalat at panumpaan ni Co ang lahat ng kanyang nalalaman kaugnay ng flood control investigation.

‍

Ipinatutupad na ng Department of Migrant Workers (DMW) ang pamamahagi ng $200 o halos P12,000 ayuda para sa overseas Filipino workers na apektado ng krisis sa Middle East.  

Ayon kay Department of Migrant Workers Secretary Hans Leo Cacdac, nakalaan ang tulong para sa mga OFW na nawalan ng trabaho o nabawasan ang sahod at oras ng pagtatrabaho dahil sa krisis.

‍

Tiniyak ng Department of Trade and Industry (DTI) na walang magiging pagtaas sa presyo ng basic goods hanggang May 10, 2026.  

Saklaw nito ang mga pangunahing bilihin gaya ng sardinas, gatas, tinapay, kape, noodles at iba pa, na mananatili sa suggested retail price.

‍

Nagpahayag ng commitment ang mga kinatawan ng motorcycle taxis at transport network companies na pag-aralan at ipatupad ang adjustment sa commission rates para makatulong sa mga driver.  

Layunin nitong maibsan ang epekto ng mataas na presyo ng langis sa kabuhayan ng mga driver.

‍