UNTV News and Rescue

Naharang ng mga tauhan ng Philippine Coast Guard sa Batangas ang dalawang bangka na ginagamit umano sa iligal na pagbiyahe ng langis.  

Hawak na ng mga awtoridad ang mga naarestong suspek na posibleng maharap sa reklamong robbery and grave threat.

Inihayag ng Department of Transportation na ipatutupad na ang libreng toll sa lahat ng mga expressway sa bansa para sa mga sasakyang may kargang pagkain at agricultural products simula ngayong araw, April 20.  

Layon nito na tiyaking abot-kaya ang presyo ng pagkain sa gitna ng krisis sa langis.

Nagpaabot ng pakikiramay ang Department of Social Welfare and Development sa naulilang pamilya ng rider na nasawi noong Sabado habang nakapila para makakuha ng cash relief assistance.

Kahapon dumagsa muli ang mga rider sa ilang itinalagang payout centers, kung saan idinadaing pa rin ng ilan ang anila'y pahirapan na sistema sa pamamahagi ng ayuda.

Ini-anunsyo mismo ni PBBM na asahan muli ang malakihang rollback sa presyo ng produktong petrolyo bukas.

May panawagan naman ang Presidente sa mga oil company sa pagbaba ng presyo ng petroleum products.

Balikan natin ang mga pangunahing balita sa nakalipas na linggo, dito sa Ito ang Balita: Weekend Refresh.

‍