UNTV News and Rescue

Nabanggit ang pangalan ng namayapang dating DPWH Undersecretary Catalina Cabral sa bail hearing ni dating Senador Ramon Bong Revilla Jr. dahil ang dating undersecretary umano ang nag-utos na ilagay ang pangalan ng senador bilang proponent ng nililitis na flood control project sa Pandi, Bulacan.

‍

Haharap sa pagdinig ng House Justice Committee sa mga reklamong impeachment laban kay Vice President Sara Duterte ang mga kawani mula sa Ombudsman, Anti-Money Laundering Council, Bureau of Internal Revenue at Securities and Exchange Commission bukas, araw ng Miyerkules, April 22.

Tututok ang impeachment hearing sa alegasyong di maipaliwanag na yaman at umanoy pagpalya na ideklara ang lahat ng ari-arian ng Bise Presidente sa kanyang Statement of Assets, Liabilities and Net Worth (SALN).

‍

Kinumpirma ng Malacañang ang pagbibitiw sa pwesto ni Secretary Carlito Galvez Jr. bilang Presidential Adviser on Peace, Reconciliation & Unity.

‍

Nakaukit sa memorial sa Tel Aviv, Israel ang pangalan ni Mary Ann De Vera, ayon sa Philippine Embassy sa Israel.

Si De Vera ang Filipinang caregiver na nasawi dahil sa missile attack noong Pebrero 28.

‍

Ipinag-utos ng Land Transportation Franchising and Regulatory Board (LTFRB) ang pagdinig sa petisyon na dagdagan ng sampung piso ang regular na pamasahe sa mga jeepney.

‍