UNTV News and Rescue

Nanawagan ang pamahalaan ng Pilipinas ng ceasefire sa gitna ng patuloy na pag-atake ng Israel sa Lebanon na naglalagay sa kritikal na kondisyon sa dalawang linggong tigil-putukan sa pagitan ng US at Iran.

Binigyang-diin ni Sen. Pia Cayetano na hindi dapat gawing permanente ang full online classes sa mga unibersidad at kolehiyo.  

Bagama’t pinayagan ito ng Commission on Higher Education dahil sa krisis sa langis bunsod ng tensyon sa Middle East, dapat umano pansamantala lamang ito at hindi dapat kasanayan ang sistema.

May posibilidad na nakikita ang mga oil industry player na posibleng magkaroon ng pagbaba ng presyo ng diesel at gasolina sa susunod na linggo.

Ito ay matapos ang anunsyong ceasefire sa pagitan ng US at Iran.

Dismayado ang Samahang Industriya ng Agrikultura o SINAG kaugnay ng sistema ng “rescue buying” sa produkto ng mga magsasaka.  

Ayon sa grupo, hindi umano nito naibibigay ang makatarungang presyo sa ani ng mga magsasaka; sa halip, mas mababa pa kung minsan sa farm-gate price.

Aabot sa 2,000 mga jeepney driver sa probinsya ng Cebu ang naging benepisyaryo ng rice subsidy program ng provincial government.  

Bawat tsuper ay nakatanggap ng tig-sampung kilong bigas bilang ayuda sa kanila sa gitna ng nararanasang krisis sa sobrang taas ng presyo ng langis.