UNTV News and Rescue

Suportado ng Armed Forces of the Philippines ang planong pagtatayo ng oil depot ng Estados Unidos sa bansa.

Ayon sa Philippine Navy, makatutulong ito sa pagpapalakas ng seguridad ng Pilipinas.

Humihiling ang Department of Transportation sa Department of Budget and Management ng karagdagang P5-B upang mapalawig ang service contracting program hanggang Hulyo.

Samantala, ayon sa grupong MANIBELA, limitado ang benepisyo ng programa dahil hindi lahat ng tsuper sa bansa ay makikinabang dito.

‍

Nanganganib madamay ang dalawang major hospitals sa Beirut, Lebanon, kasunod ng utos ng Israel military na lisanin ang lugar.

Ayon sa World Health Organization, hindi kayang ilikas ang daan-daang pasyente, kaya nanawagan ito sa Israel Defense Forces na bawiin ang planong pag-atake.

‍

Tiniyak ng Department of Health na mananatiling stable ang presyo ng mga gamot hanggang Hunyo matapos mangako ang pharmaceutical companies na hindi muna magtataas ng presyo.

Samantala, maglulunsad ang ahensya ng medical service fair para sa mga jeepney, tricycle, at TNVS drivers.

Muling binigyang-diin ng Malacañang na nakahanda itong magsampa ng reklamo laban sa mga nagpapakalat ng fake news, lalo na kaugnay ng kalusugan ni Pangulong Ferdinand Marcos Jr.

Kasunod ito ng naging pahayag ng Palasyo bilang tugon sa “good luck” remarks ni Vice President Sara Duterte hinggil sa isyu.