UNTV News and Rescue

Sinimulan na ang deliberasyon ng plenaryo ng Kamara sa Anti-Political Dynasty Bill.

Mariin namang tinutulan ng ilang kongresista ang bersyong isinusulong sa kapulungan.

Posibleng matalakay ng House Justice Committee ngayong araw, March 18, ang pagtukoy kung may sufficient grounds for impeachment laban kay Vice President Sara Duterte.

Ito ay matapos tumanggi ang complainants na sagutin ang anila’y non-answer ni VP Duterte sa mga reklamong impeachment.

Nagbabala ang United Nations World Food Programme o WFP na posibleng umabot sa record level ang kagutuman sa buong mundo kung magpapatuloy ang digmaan sa Iran hanggang Hunyo ngayong taon.

Ayon sa ahensya, maaaring madagdagan ng nasa 45 milyon ang mga taong makakaranas ng matinding kagutuman dahil sa pagtaas ng presyo ng pagkain, langis, at transportasyon.

Inamin ng hari ng Spain na si King Felipe VI ang mga pang-aabuso ng Espanya sa panahon ng kolonyalismo, na isang bihirang pagkilala mula sa monarkiya na matagal nang binabatikos ng mga dati nitong kolonya.

Gayunman, hindi pa rin naglalabas ng pormal na paghingi ng paumanhin ang Spain sa mga nasakop nitong bansa.

Nagbanta si US President Donald Trump na kukunin niya ang bansang Cuba, na ngayon ay nahaharap sa malalang krisis sa kuryente dahil sa oil embargo ng Estados Unidos.

Kasunod ito ng malawakang brownout sa buong isla na lalong nagpalala sa sitwasyon ng ekonomiya at pamumuhay ng mga mamamayan nito.