UNTV News and Rescue

Nagsumite ang Commission on Audit ng apat na fraud audit reports sa Independent Commission for Infrastructure mula sa apat na flood control projects sa Bulacan 1st District na may kabuuang halaga na higit P330 million.

Nag-promote ang Department of Education ng higit sa 16,000 na mga guro sa mga pampublikong paaralan sa ilalim ng expanded career progression program o ECP system ng ahensya.

Inaasahang itataas din ang kanilang mga sahod ng 1 salary grade o hanggang 3 salary grades.

Pinalawig ni Pangulong Ferdinand Marcos Jr. ang pagpa-file ng claims sa mga ospital sa Philippine Health Insurance Corporation (PHILHEATH) ng 120 days.

Kasunod ito ng puna ng Commission on Audit sa Department of Health na tugunan ang higit P1-billion claims ng mga ospital.

Binigyang-diin ng Malacañang na ang mga public servant partikular ang mga mambabatas ay dapat mag-focus sa kanilang mga trabaho at hindi sa mga travel.

Kaugnay ito ng panibagong request to travel ni Davao City 1st District Rep. Paolo Duterte sa 17 mga bansa mula noong December 15 hanggang February 20, 2026.

Nadiskubre ng Philippine National Police at Armed Forces of the philippines ang imbakan ng armas sa Labo, Camarines Norte.

Ang pagkakadiskubre ng naturang mga armas ay alinsunod na din sa kampanya ng pamahalaan laban sa mga loose firearms.