UNTV News and Rescue

Sa halip na magpaputok, mas pinili ng ilan nating kababayan ang mamasyal sa Rizal Park Luneta sa Maynila.
Karamihan sa kanila, mas ginustong makasama ang kani-kanilang pamilya sa pagdiriwang ng pagpapalit ng taon.

‍

Sugatan ang isang rider matapos sumemplang ang minamaneho nitong motorsiklo sa Sorsogon City pasado 6:00 p.m.

Agad namang rumesponde ang UNTV News and Rescue at binigyan ng paunang lunas ang biktima.

‍

Tinamaan ng paputok sa mukha ang isang menor de edad na isinugod sa Jose R. Reyes Memorial Medical Center.

Batay sa inisyal na impormasyon, nanonood lamang umano ang bata ng mga nagpapaputok nang bigla na lang may tumama sa kanyang mukha.

Kanselado pa rin ngayong taon ang year-end countdown sa Shibuya Crossing sa Tokyo, Japan, bilang bahagi ng ipinatutupad na crowd control measures. Hindi rin makikita ng publiko ang istatwa ng pamosong asong si Hachiko sa pagsalubong ng bagong taon.

‍

Tampok ngayong taon sa Brisbane City, Queensland, Australia ang itinuturing na biggest and boldest fireworks display sa pagsalubong ng bagong taon.

‍
Kasabay nito ang kauna-unahang drone show sa Queensland capital city na sinaksihan ng libo-libong spectators.