UNTV News and Rescue

Inaasahang muling magsasagawa ng pag-atake ang Estados Unidos laban sa Iran ngayong araw matapos targetin kahapon ng US forces ang mga air defense systems, radar sites at military facilities ng Iran malapit sa Strait of Hormuz dahil sa umano'y pagpapabagsak nito sa isang US Apache helicopter.

Nauna nang itinanggi ng Iran ang akusasyon ng Estados Unidos at gumanti ng pag-atake sa mga base militar ng Amerika sa Bahrain, Jordan at Kuwait.

Hiniling na ng pamahalaan ng Pilipinas sa China na alisin ang mga istruktura at kagamitang inilagay nito sa Scarborough Shoal o Bajo de Masinloc halos dalawang linggo na ang nakalilipas.

Nanindigan naman ang China na may karapatan itong maglagay ng naturang mga kagamitan sa inaangkin nitong maritime feature.

Kasunod ng malakas na lindol, nagbabala ang Philippine Institute of Volcanology and Seismology (PHIVOLCS) Region 7 sa banta ng mga potentially active faults sa lalawigan ng Cebu.

Ayon sa ahensya, posibleng umabot sa magnitude 7.2 hanggang 7.5 ang lindol na maaaring idulot ng mga naturang fault sa probinsya.

Nanawagan ng tulong sa national government ang mga lokal na opisyal ng Glan, Sarangani matapos ang matinding pinsalang iniwan ng magnitude 7.8 na lindol na yumanig noong Lunes.

Ayon sa LGU, kinakapos na sa pagkain, inuming tubig at pangangailangan ng mga sanggol ang ilang residente na hindi pa naaabot ng tulong dahil sa mga nasirang tulay at kalsada.

Inilabas na ng Philippine National Police ang resulta ng medico-legal ni Rene Baterbonia, isa sa mga basketball athlete ng Ateneo de Manila University na nalunod sa Aurora.

Ayon kay Aurora Police Provincial Director PCol. Percival Pineda, bagama't walang foul play sa pagkamatay ng mga estudyante, nagpapatuloy pa rin ang kanilang imbestigasyon.