UNTV News and Rescue

Binabantayan ng Phivolcs ang posibleng mas matagal na aktibidad ng Bulkang Mayon matapos makita ang mga senyales ng tuloy-tuloy na pag-akyat ng magma sa loob ng bulkan. Kung magkakagayon, ayon sa lokal na pamahalaan sasapat pa ang kanilang pondo.

Pinayagan ng Department of Environment and Natural Resources (DENR) ang trekking sa Tinagong Dagat sa loob ng Northern Negros Natural Park mula Enero 22 hanggang February 15. Ayon sa DENR, pansamantalang isasara ang lugar simula February 16 para sa environmental monitoring at pag-review ng mga panuntunan sa trekking.

‍

Isang pamilya sa East Coast ng New Zealand ang himalang nakaligtas matapos ma-trap buong magdamag sa bubong ng kanilang bahay bunsod ng rumaragasang tubig-baha. Naging sanhi naman ng landslide sa rehiyon ang matinding ulan at baha.

‍

Isang dokumento ang natuklasan ng Associated Press na naglalahad hinggil sa isang internal memo ng U.S. Immigration and Customs Enforcement na pinapayagan ang mga opisyal nito na puwersahang pumasok sa mga pribadong tahanan nang walang warrant na pinirmahan ng hukom.

‍

Naghahanda ang Canada ng mga planong pangmilitar kung sakaling sakupin ito ng Estados Unidos. Ito ay sa gitna ng lumalalang tensyon sa dalawang bansa.