UNTV News and Rescue

May posibilidad na nakikita ang mga oil industry player na posibleng magkaroon ng pagbaba ng presyo ng diesel at gasolina sa susunod na linggo.

Ito ay matapos ang anunsyong ceasefire sa pagitan ng US at Iran.

Dismayado ang Samahang Industriya ng Agrikultura o SINAG kaugnay ng sistema ng “rescue buying” sa produkto ng mga magsasaka.  

Ayon sa grupo, hindi umano nito naibibigay ang makatarungang presyo sa ani ng mga magsasaka; sa halip, mas mababa pa kung minsan sa farm-gate price.

Aabot sa 2,000 mga jeepney driver sa probinsya ng Cebu ang naging benepisyaryo ng rice subsidy program ng provincial government.  

Bawat tsuper ay nakatanggap ng tig-sampung kilong bigas bilang ayuda sa kanila sa gitna ng nararanasang krisis sa sobrang taas ng presyo ng langis.

Inianunsyo kahapon ng Manila City local government na makatatanggap ng tig-₱25,000 na economic relief ang mga negosyanteng may-ari ng panaderya o bakery sa lungsod ng Maynila.

Simula sa susunod na linggo, magpapatupad ang pamahalaan ng dagdag na tulong sa transport sector sa gitna ng patuloy na pagtaas ng produktong petrolyo.

Kabilang sa tulong na ito ang fuel subsidy na 10 pesos per liter para sa mga pampublikong sasakyan.