%201.svg){kind=logo}
Emergency Hotline:
(+63) 2 911 – 8688
Maayos na nagpaalam si dating Public Works and Highways Sec. Manuel Bonoan bago umalis ng Pilipinas ayon sa Department of Justice.
Ayon kay DOJ Spokesperson Atty. Polo Martinez, nagpaalam ang dating kalihim upang asikasuhin ang medikal na pangangailangan ng asawa na sasailalim sa operasyon sa Amerika.
Inilarawan ni Senator Imee Marcos na pananakot at panloloko lang ang ibinunyag ni Ombudsman Crispin Remulla kamakailan na mayroon nang arrest warrant ang International Criminal Court o ICC para kay Sen. Bato dela Rosa.
Ayon sa senador, walang hurisdiksyon ang ICC sa Pilipinas, wala ring formal request o communication sa Korte ng Pilipinas.
Nagpahiwatig si Senator Imee Marcos sa posibleng hindi pagdalo ni dating Speaker Martin Romualdez sa Senate Blue Ribbon hearing.
Base aniya sa kanyang mga nababalitaan, ang 17 congressman na lamang na inimbitahan rin ni Blue Ribbon Committee Chairperson Ping Lacson ang papalit na mga testigo dito.
Sinabi ni Senator Imee Marcos na maaaring may mga testigong magre-recant o babawiin ang kanilang salaysay, at babaliktad mula sa kanilang mga unang naging testimonya.
Inihayag ni Independent Commission for Infrastructure o ICI Special Adviser Rodolfo Azurin Jr. na sa kabuuang 421 na ghost flood control projects na unang tinukoy ng ICI, bibigyan nila ng mataas na prayoridad ang walumpung proyekto kung saan sangkot ang 15 hanggang 18 contractor na pinangalanan ni Pangulong Ferdinand Marcos Jr.
