UNTV News and Rescue

Nilamon ng malaking apoy ang mahigit 170 gusali sa Saganoseki District sa Oita City, Southern Japan, na sumiklab noong Martes ng gabi, November 18.

Ayon sa mga awtoridad, umabot sa 49,000 sq. m ang nasunog at napilitang lumikas ang 175 residente dahil sa mabilis na pagkalat ng apoy.

‍

Itinuturing ng ilang senador na tagumpay ang hatol ng korte laban kay dating Bamban, Tarlac Mayor Alice Guo at sa 7 iba pa sa kasong qualified human trafficking na may kaugnayan sa POGO operation sa kanilang bayan.

Ayon sa mga mambabatas, nakamit ng mga tunay na biktima ang hustisya laban sa pang-aabuso at iba pang kriminalidad na idinulot ng naturang operasyon.

‍

Hinatulang guilty ng Pasig City Regional Trial Court si dating Bamban, Tarlac Mayor Alice Guo at 7 iba pa sa kasong qualified human trafficking na may kaugnayan sa operasyon ng POGO sa kanilang bayan.

Welcome naman para sa Department of Justice ang naging hatol ng hukuman, na nakikita nilang mahalagang hakbang laban sa human trafficking at iligal na operasyon ng POGO.

‍

Pinag-aaralan na ng Department of Justice ang aplikasyon ni dating DPWH Undersecretary Roberto Bernardo bilang state witness, ayon kay Ombudsman Crispin Remulla.

Sinabi rin ni Remulla na asahan ang pagsasapubliko ng mga paunang imbestigasyon ng Office of the Ombudsman kaugnay ng mga kasong may kinalaman sa flood control corruption scandal.

‍

Nakumpiska ng Philippine National Police Highway Patrol Group ang 7 luxury car sa North Luzon Expressway nitong Martes matapos makatanggap ng tip tungkol sa kumpulan ng mamahaling sasakyan sa isang gasolinahan.

Ayon kay HPG spokesperson Police Lieutenant Nadame Malang, agad silang nagsagawa ng operasyon at nadiskubreng expired ang rehistro ng mga sasakyan at gumagamit pa ng improvised plates.

‍