%201.svg){kind=logo}
Emergency Hotline:
(+63) 2 911 – 8688
Nanganganib matuyo at mamatay ang mga palay sa Malolos, Bulacan dahil sa kakulangan ng suplay ng tubig mula sa National Irrigation Administration.
Bilang tugon, maglalaan ang mga LGU ng libreng krudo linggu-linggo upang mapagana ang water pumps at makakuha ng tubig mula sa ilog.
Nasa Islamabad, Pakistan na ang ilang opisyal ng Iran at Estados Unidos para sa nakatakdang pag-uusap ngayong weekend.
Layunin ng pulong na talakayin ang pagpapababa ng tensyon sa Middle East at ilatag ang mga kondisyong maaaring pagkasunduan ng magkabilang panig.
Umabot sa mahigit P239-B ang nakolekta ng Bureau of Customs mula Enero hanggang Marso ngayong 2026.
Lumampas ito ng 1.3% sa internal target at mas mataas ng 3.3% kumpara sa parehong panahon noong nakaraang taon, batay sa paunang datos.
Kumpiyansa si Health Secretary Teodoro Herbosa na sapat ang suplay ng mga gamot sa bansa hanggang Hunyo ngayong taon.
Sa gitna ng krisis sa Gitnang Silangan, tiniyak din na hindi muna magtataas ng presyo ang pharmaceutical companies.
Inihayag ni MANIBELA President Mar Valbuena na hindi pa umano nababayaran ng pamahalaan ang utang nito sa ilang public utility vehicle driver at operator mula sa service contracting program noong pandemya.
Samantala, inirerekomenda ng Land Transportation Franchising and Regulatory Board ang paggamit ng global positioning system (GPS) upang mapabilis ang payout sa mga driver.
