UNTV News and Rescue

Hindi pa rin nagpapakita sa Senado si Sen. Ronald ‘Bato’ dela Rosa.

Simula nang lumabas ang isyu na may warrant of arrest na inilabas ang International Criminal Court laban sa senador.

Ayon kay Sen. Sherwin Gatchalian, Chairperson ng Senate Committee on Finance, nagpadala sa kaniya ng sulat si Sen. dela Rosa upang ipaalam na hindi siya makararating sa Senate plenary deliberation.

Bago pa magrekomenda ang Independent Commission for Infrastructure at DPWH, nauna nang nagsagawa ng imbestigasyon ang Ombudsman sa mga aktibidad ng ilang mambabatas, kabilang sina Congressman Gardiola at Augustina Pancho.

Ayon kay Ombudsman Crispin Remulla, bukod sa walong kongresistang inirekomendang kasuhan, may 12 hanggang 15 pang mambabatas na malinaw na dawit.

Itinanggi ni Palace Press Officer Undersecretary Claire Castro na s'ya ang nasa video ng umano'y pakikipag-usap sa isang vlogger.

Sa Senate plenary deliberation noong Martes, partikular na sa proposed 2026 budget ng PCO, iprinisinta ni Sen. Robin Padilla ang naturang video na ang laman lang ay audio recording o pag-uusap umano ni Usec. Castro at isang vlogger.

Nakakuha na ang Anti-Money Laundering Council o AMLC ng dalawang freeze order, ayon kay Pangulong Ferdinand Marcos Jr.

Aabot na aniya sa P12 billion pesos ang kabuuang na-freeze na assets mula sa mga personalidad na isinasangkot sa anomalya sa flood control projects.

Napapansin na ng Malacañang ang mga hindi tugmang mga salaysay ni Zaldy Co mula sa kaniyang mga inilalabas na recorded video sa social media, lalo na ang ukol sa umano’y pagkakasangkot ng administrasyon sa anomalya sa flood control projects.

Ayon kay Palace Press Officer Usec. Claire Castro, hindi lamang naman ang Malacañang ang nakakapuna ng inconsistencies sa mga pahayag ng dating mambabatas kundi ang iba ring eksperto.