Dante Amento

Inihayag ng Bureau of Immigration na para lamang sa monitoring ang inisyung Immigration Lookout Bulletin Order o ILBO ng Department of Justice o DOJ laban sa ilang DPWH officials at contractors kaugnay ng flood control projects controversy.

Inihayag ng Bureau of Immigration na wala pang lumabas ng bansa sa mga inisyuhan ng Immigration Lookout Bulletin Order o ILBO ng Deparment of Justice batay sa ginawang initial screening ng ahensya.

Pinayuhan naman ng DOJ ang mga nasa ilalim ng lookout bulletin na huwag nang magtangka pang lumabas ng bansa.

‍

Inaasahang ilalabas ngayong araw ng Department of Justice o DOJ ang consolidated o pinagsamang listahan ng mga opisyal ng Department of Public Works and Highways at mga contractor na kasama sa Immigration Lookout Bulletin Order o ILBO.

Ito ay alinsunod sa naging request ng Senate Blue Ribbon Committee at ni DPWH Secretary Vince Dizon.

Inihayag ng Department of Justice (DOJ) na may 3 korte dito sa bansa na kailangang pagpaalaman kapag mayroon nang pormal na extradition request ang United States government laban kay KOJC Leader Apollo Quiboloy.

Samantala, nilinaw naman ng Department of Foreign Affairs na hanggang ngayon ay wala pang extradition request ang Amerika.

‍

Natapos na kahapon ng Judicial and Bar Council (JBC) ang interview sa 17 na aplikante para sa susunod na Ombudsman.

Ayon sa Supreme Court, bago matapos ang buwan ng Oktubre ay dapat mayroon nang maitalaga ang Pangulo.