Asher Cadapan, Jr.

Nakaabang na rin ang ilang senador sa mga inaasahang banggitin ni Pangulong Ferdinand Marcos Jr. sa kanyang ika-4 na State of the Nation Address sa July 28.

Kabilang sa kanilang mga nais marinig ay ang mga aksyon at plano kaugnay sa maiinit na isyu sa bansa ngayon.

‍

Dapat matuloy ang impeachment trial ni Vice President Sara Duterte. Ayon kay Senator Raffy Tulfo, pagkakataon na ito ng bise presidente upang idepensa ang kanyang sarili sa mga paratang laban sa kanya.

‍

Maghihintay pa ng isang linggo matapos ang pagbubukas ng sesyon ng 20th Congress sa July 29 bago muling magtipon ang impeachment court.

Ito ang inihayag ni Senador Joel Villanueva na nagsabing may ilang senador na rin ang pumapayag sa August 4 na schedule.

Samantala, inamin din ng mambabatas na major concern para sa impeachment court ang hurisdiksyon sa kaso laban kay Vice President Sara Duterte.

‍

Paglilihis lang umano sa isyu na kinasasangkutan ng First Lady Liza Araneta-Marcos ang usapin ng ICC arrest warrant.

Ito ang binigyang-diin ni Senator Ronald "Bato" Dela Rosa bilang tugon sa pahayag ng Palasyo na aarestuhin siya kapag naglabas ng warrant ang International Criminal Court.

Kinumpirma rin ng senador na hindi siya dadalo sa ikaapat na State of the Nation Address ni Pangulong Ferdinand Marcos Jr.

‍

Paglilihis lang umano sa isyu na kinasasangkutan ng First Lady Liza Araneta-Marcos ang usapin ng ICC arrest warrant. Ito ang binigyang-diin ni Senator Ronald "Bato" Dela Rosa bilang tugon sa pahayag ng Palasyo na aarestuhin siya kapag naglabas ng warrant ang International Criminal Court. Kinumpirma rin ng senador na hindi siya dadalo sa ikaapat na State of the Nation Address ni Pangulong Ferdinand Marcos Jr.